Nga Elton Qyno
Policia kriminale e Tiranës, ka shtrirë veprimet hetimore tek persona të tjerë që dyshohet se janë drejtuesit e skemës së mashtrimit me “Call-Centerat” të ngritura në Tiranë.
Teksa gjatë këtyre 48 orëve, në pranga kanë përfunduar 5 persona dhe dy të tjerë janë shpallur në kërkim, tashmë emra të tjerë kanë dalë në skenën e mashtrimeve, të cilët sipas dëshmive dhe provave të administruara rezultojnë të kenë pasur rol menaxherial dhe organizativ të skemave kriminale.
Granit Pepnika nga Kukësi, Fisnik Nezaj nga Tirana, Jurgen Mela nga Tirana dhe ortakja e këtij të fundit, Megi Mela nga Fieri, janë vendosur në verifikim nga policia, pasi ka dyshime të arsyeshme se këta persona janë të përfshirë në mashtrimin financiar të qytetarëve të Bashkimit Europian.
Gazetari Elton Qyno, ka mësuar se në emër të Granit Pepnikas dhe Jurgen Mela, është themeluar në 13 korrik 2021 kompania “Gama Media Communication”, ku objekti i veprimit të saj shërbime marketingu dhe komunikimi elektronik.
Të dy aksionerët zotëronin sicili nga 50 për qind të aksioneve, ndërsa administrator i kësaj kompanie ishte pikërisht Kuksiani, Granit Pepnika.
Por pas 8 muaj e gjysëm aktivitet, kjo kompani në 30 Mars 2022 ka pezulluar statusin e saj, duke mos funksionuar ende dhe sot.
Por pavarësisht se Granit Pepnika, humbi gjurmët nga “Gama Media Communication”, dyshohet se ai është ngjitur tek kompania tjetër “Upstream creative” që është rregjistruar në emër të Xhoni Hitaj, person ky që tashmë është shpallur në kërkim.
Në emër të Xhoni Hitaj rezulton të jetë hapur në 18 shtator 2023 dhe kompania “Magnolia Group”.
Por sipas dosjes hetimore shoqëria “Upstream creative”, rezulton të jetë hapur në 28 Tetor 2022, vetëm 6 muaj pasi Granit Pepnika dhe Jurgen Mela pezulluan aktivitetin tjetër që kryenin me kompaninë “Gama Media Communication”.
Disa nga punonjësit e “Call-Centerit” të “Upstream creative” që u shoqëruan në ambjentet e policisë, gjatë marjes në pyetje pranuan se bosi i kësaj zyre ishte pikërisht Granit Pepnika. Sipas punonjësve, Kuksiani, Granit Pepnika, kishte dhe një zyrë në ambjentet e këtij biznesi.
Pikërisht në zyrën e Pepnikas, policia sekuestroi një Lap-Top dhe sende të tjera me vlerë. Zyra e kësaj qëndre Call-Centëri është vendosur pikërisht në qëndër të Tiranës, tek rruga e “Kavajës” brenda godinës “Millenium Bussiness Centër”.
E vendosur në qëndër të Tiranë dhe përmes lidhjeve të forta me Policinë e Shtetit, kjo qëndër ka funksionuar qetësisht pa u prekur nga askush, deri në momentin kur në Shqipëri mbëritën skuadrat operacionale Austriake, të cilat bashkëpunuan me policinë e Tiranës.
Ndërkohë në verifikim nga policia është dhe ortaku i Granit Pepnikës, shtetasi Jurgen Mela. Ndërkohë ky i fundit së bashku me bashkëshorten e tij, Megi Mela, në 12 prill të vitit 2024 vendosin të futen në botën e bisnesit.
Ata themelojnë kompaninë “JM Delevopment” me adrese në një rezidencë luksoze, që ndodhet pas godinës së SPAK tek rruga “Jordan Misja”. Objekti i kësaj kompanie është: “…Ndërtim, mirëmbajtje, marketing softëare, Marketing, turizëm dentar dhe çdo aktivitet që lejon ligji…”.
Lidhjet Marsel Lami, Fisnik Nezaj e Xhoel Mekolli nga Devolli
Në qendër të kësaj skeme kriminale kanë qenë Marsel Lami, miku i tij Fisnik Nezaj dhe një 29-vjeçar i quajtur Xhoel Mekolli nga fshati Vranisht i Devollit.
Mekolli, një amator në këtë fushë kriminale që aktivitetin e pisët të mashtrimit të qytetarëve të Bashkimit Evropian, e ka nisur si telefonist me 356 mijë lekë të vjetra tek kompania “Gama Netëork” e Fisnik Nezaj, shkoi shumë lart.
“Gama Netëork” është një kompani e regjistruar në 14 Tetor 2020 nga Fisnik Nezaj dhe më 22 Prill 2022, kjo kompani papritur pezullon aktivitetin tregtar.
Skemat mashtruese që përdorën kundër qytetarëve austriakë dhe më gjerë, sollën të ardhura të mjaftueshme duke çuar në investimin e këtyre të ardhura në pasuri të ndryshe dhe udhëtime luksoze.
Më konkretisht Xhoel Mekolli, së bashku me shokun e tij të mashtrimit me Call-Centëra, Artejvi Bishami, vendosin në 3 shtator 2025, të hapin një palestër sportive të quajtur “Hark Box”. Kjo kompani është hapur me një kapital fillestar prej 2 mijë lekë të vjetra, ndërsa objekti i saj është:
“…qendër sportive dhe ëellness që ofron shërbime në fushën e përgatitjes fizike, estetikës dhe mirëqenies për të gjitha moshat, përmes programeve si pilates, aerobikë dhe fitnes…”.
Tashmë kjo kompani po monitorohet nga prokuroria e Tiranës dhe Tatimet për të kuptuar qëllimin e hapjes së saj dhe aktivitetin tregtar që ka pasur me lëshimin e faturave tatimore, pasi ka të dhëna se Xhoel Mekolli, ka shërbyer si “trampolinë” për transferim të shumave financiare.
Strategjia, hap e mbyll kompani
Nga ana tjetër pas pezullimit të aktivitetit të kompanisë “Gama Network”, pas 4 muaj rezulton të ketë lindur një kompani tjetër e re në emër të Fisnik Nezaj.
“Iota Netëork” është një kompani e themeluar në 16 Gusht 2022 nga Fisnik Nezaj dhe më pas ky i fundit në datën 26 Korrik 2024, ja ka shitur kompaninë Call-Centër, shtetasit Marsel Lami.
Shitja e kuotave të “Iota Netëork” është kryer jo para një noteri publik dhe është kryer me një çmim qesharak prej vetëm 100 mijë lekë të vjetra.
Të njëjtat manovra juridike Fisnik Nezaj dhe Marsel Lami, kanë kryer dhe me dy kompanitë e tjera, si “Victory Communication” dhe “Espiron Studio”, ku fillimisht këto kompani ashtu si firma “Iota Netëork”, janë rregjistruar në QKB nga Fisnik Nezaj dhe më pas janë shitur kundrejt 10 mijë lekë të vjetra tek Marsel Lami dhe më tej ky i fundit pasi i ka shfrytëzuar për qëllime kriminale i ka pezulluar aktivitetin tregtar.
Veprimet pezulluese të kompanive kanë ndodhur mes per muajit Dhjetor 2025, Janar 2026 dhe Mars 2026, duke çuar në dyshime të arsyeshme se Marsel Lami dhe ortaku tjetër i tij në këtë skemë mashtrimi, Fisnik Nezaj, ishin vënë në dijeni të hetimeve që po kryenin autoritet e drejtësisë Austriake dhe prokuroria e Tiranës.
Siç mëson gazetari Elton Qyno, kompania “Victory Communication” ka hapur aktivitetin tregtar në 26 shtator 2022 dhe në datën 6 Mars 2026, ka pezullluar aktivitetin. Mbyllja e tregtisë kriminale është vetëm një javë, pasi prokuroria e Tiranës dhe Policia e Shtetit, finalizuan operacion për goditjen e personave që ishin të përfshirë në mashtrimet me “Call-Centerat”.
Ndërsa “Espiron Studio”, është hapur në 19 Tetor 2022 dhe aktiviteti i saj është pezulluar në datën 27 janar 2026. Njëherësh e njëjta lëvizje ka ndodhur me “Iota Netëork”, e cila rezulton të jetë themeluar në 24 Gusht 2022 dhe më pas aktiviteti i saj është pezulluar në 16 janar 2026.
Edhe kompania “Zeta Studio” e hapur në 28 Maj 2024 nga Marsel Lami rezulton të ketë kryer aktivitet kriminal me mashtrimin e Call-Centerave, por më pas në muajin dhjetor 2025, ajo ka pezulluar aktivitetin, duke dalë nga qarkullimi.
Por lista e aktivitetit kriminal vijon dhe me Tedi Agastrën, i cili përmes personit fizik që hapi në 24 Prill 2023, ka kryer mashtrimin e qytetarëve të Bashkimit Europian përmes skemave të “Call-Centërave”.
Tedi Agastra nuk është hera e parë që goditet nga prokuroria e Tiranës, pasi në muajin nëntor 2024 ai është arrestuar gjatë një operacioni policor së bashku me 12 persona të tjerë.
I arrestuari tjetër, Eduard Daka, rezulton të ketë kompanitë “Tirana Archives” të hapur në Mars 2021 dhe “Sonet” të regjistruar në muajin Maj 2023. Rezulton se “Tirana Archives” ka pezulluar kompaninë në 4 Mars 2025.
Pritet që ditën e nesërme ata të dalin para gjykatës së Tiranës, për të njohur me masën e sigurisë që ka kërkuar prokuroria e Tiranës.
Hetimi ndaj këtij rasti ka nisur rreth 2 vite më parë me materialet që janë referuar nga Austria, kryesisht dhe Gjermania, e ku janë mashtruar mijëra qytetarë evropian kryesisht nga Austria në vlerë miliona euro.
MASË ARREST NË BURG
Eduart Dalla 48 vjeç (I arrestuar)
Mateo Hoxha 24 vjeç (I arrestuar)
Tedi Agastra 23 vjeç (I arrestuar)
Ledio Toçi 33 vjeç (I arrestuar)
Xhoel Mekolli 29 vjec (I arrestuar)
Marsel Lami 29 vjec (Në kërkim)
Xhoni Hitaj 31 vjeç (Në kërkim)
NDALIM DALJE JASHTE VENDI
Aida Vokli 33 vjeç (masë e ekzekutuar)
Ledjon Cenaj 25 vjeç (masë e paekzekutuar)
TË ARRESTUAR NË FLAGRANCË
Kristjan Buda 38 vjeç
Eno Hana 32 vjeç
Benard Biba 26 vjeç
Kleidi Dyrma 25 vjeç
Ema Taip 25 vjeç
U SEKUESTRUAN
891,735 euro
443 kompjuterë;
238 telefona celularë
6 laptop
HDD, DVR
