Detaje të reja janë zbardhur nga shpërthimi me lëndë plasëse në automjetin e parkuar në pronësi të Olsion Klosi. Bëhet me dije se 36 vjeçari jeton mes Shqipërisë dhe Spanjës dhe dyshohet se aktiviteti i tij në Spanjë mund të jetë një nga motivet e mundshme të vendosjes së lëndës plasëse. Gjithashtu Klosi rezulton me precedent penal për konflikte të mëparshme.
Nga shpërthimi, fatmirësisht nuk pati persona të lënduar, ndërsa janë shkaktuar vetëm dëme materiale. Ndërkohë, autori i dyshuar është fiksuar nga kamerat e sigurisë në momentin kur vendos lëndën plasëse në automjet.
