Të dhëna të siguruara nga redaksia tregojnë se cilësia e dobët e naftës në tregun shqiptar vjen si pasojë e përzierjes së karburantit që tregtohet në stacionet e shërbimit me naftë kontrabandë të prodhuar nga rafineritë vendase apo të importuar në mënyrë të paligjshme.
Kapja e anijeve kontrabandë nga Rusia, Tunizia dhe vende të tjera është rritur vitet e fundit. Ndërkohë deri më tani rastet e kapjes së naftës kontrabandë dhe nga vendet me embargo kanë mbetur vetëm në arrestimin e anëtarëve të ekuipazhit, pa identifikuar plotësisht dërguesit, blerësit dhe përgjegjësinë e tyre për naftën. As në rastin e fundit hetimet e deri tanishme nuk kanë treguar se kush në Shqipëri po e blinte naftën apo e kishte porositur atë.
Ekspertët llogarisin se 15 % karburanteve në vend hyn kontrabandë.
