Zbardhen detaje nga kontrollet që SPAK ushtroi sot në kuadër të hetime për Belinda Ballukun. Prokuroria e Posaçme Antikorrupsion ka ushtruar kontrolle në banesën dhe zyrën e Arbër Abazit, i cili ka edhe lidhje familjare me Ballukun, pasi bashkëjeton me vajzën e tezes së zv/kryeministres.
Redaksia mëson se kontrollet kryesisht lidhen me procedurat e tenderave të loteve të Unazës së Madhe të Tiranës. Emri i tij ka dalë në dosjen e Ballukut për ndërtimin e Unazës së Madhe të Tiranë. Nga hetimi rezulton se për ndërtimin e Unazës së Jashtme Tiranë, Loti 7, fitues është shpallur bashkimi i operatorëve ekonomikë ‘Alko-Impex General Construction&2T’ sh.p.k.
