Partitë Popullore Europiane, forca kryesore politike në Parlamentin Europian, ka miratuar një rezolutë për situatën në Shqipëri. PPE, ku bën pjesë edhe Partia Demokratike, ka bërë thirrje të respektohen të drejtat e opozitës dhe të kryhet një reformë gjithëpërfshirëse elektorale.
Me lobimin e Greqisë, në rezolutë përmendet edhe rasti i dënimit të kryebashkiakut të zgjedhur të Himarës Fredi Beleri.
PPE bën thirrje për “zbatimin e shpejtë të të drejtave parlamentare dhe kushtetuese të opozitës, duke përfshirë funksionin e saj themelor për të mbajtur ekzekutivin përgjegjës|.
Shpreh “shqetësimin në lidhje me gjetjet e Raportit të Zgjedhjeve Vendore të OSBE-ODHIR 2023 dhe bën thirrje për një zbatim të shpejtë të rekomandimeve dhe reformës zgjedhore dhe për një dialog politik konstruktiv dhe gjithëpërfshirës nga të gjitha palët për të adresuar”.
Thekson se “neglizhimi i shtetit të së drejtës, të drejtave themelore dhe lirisë së medias, si dhe korrupsioni i përhapur dhe mungesa e ndarjes së pushteteve, po minojnë rrugën e anëtarësimit të Shqipërisë në BE.
Dënon ashpër veprimet e qeverisë shqiptare kundër një kryebashkiak të zgjedhur nga minoriteti etnik dhe ndërhyrjen e saj të drejtpërdrejtë në proceset zgjedhore, të cilat bien ndesh me vlerat evropiane”
