Ndriçim Kulla, botues i njohur, ka zhvilluar kohët e fundit një veprimtari të dendur në median e familjes Berisha: urrejtjen patologjike për Lulzim Bashën! Ia kaluar Çim Pekës dhe mikut të tij, Fahri Balliut në prodhim.
Sot ka shkruar një hartim të dobët për të justifikuar humbjet e Sali Berishës; shpalljen non grata familjare për korrupsion madhor, minim të demokracisë dhe lidhjet me krimin e organizuar; vulëhumbjen e Foltores dhe përgjegjësinë ia ka taksur Lulzim Bashës.
Po pse?
Lulzim Basha duhet ti ketë bërë ndonjë gjë të rëndë Ndriçim Kullës. Me siguri! Ndoshta nuk i ka blerë librat dhe albumet për 100 vjetorin siç bëri doktori? E pafalshme!
Lulzim Basha nuk duket tip që blen libra. Ia falin! Në të shumtën e rasteve as i hap fare. Çtë lexosh “Yllin e Shkrimtarit?! Panegjirizmat për të gjallin edhe në anglisht.
Lulzim Basha duhet ti ketë bërë diçka të rëndë Kullës. Me siguri! Nuk shpjegohen ndryshe rrëketë e bojës në detin e urrejtjes së Sali Berishës.
Lulzim Basha duhet ti ketë bërë diçka të rëndë Çimit. Me siguri. Nuk shpjegohet ndryshe patologjia. Efekti shkak pasojë.
Lulzim Basha duhet ti ulet në gjunjë Çimit, si Enriku IV në Kanosë për 3 ditë në dëborë, për të hequr çkishërimin demokrat të Papa Saliu, që si çdo pasardhës i Shën Pjetrit është i pagabueshëm!
