Prokuroria e Posaçme Kundër Korrupsionit dhe Krimit të Organizuar, në bashkëpunim intensiv me Eurojust, Europol dhe agjencitë ligjzbatuese belge, holandeze dhe franceze kanë kopsitur dosjen kundër ish-shefit të Operacionales, Oltion Bistri, drejtuesit të prokurorisë së Kukësit, Xhevahir Lita, biznesmenit Pëllumb Gjoka, Ervis Martinajt dhe zyrtarëve të tjerë të lartë të policisë në lidhje me vepra të rënda penale. Bëhet fjalë për katër episode që ka hetuar dhe dokumentuar SPAK-u me Byronë Kombëtare të Hetimit.
Katër episodet;
Identifikimi i autorëve të dyshuar të vrasjes së Gjin Boriçit ndodhur në Shkodër në muajin gusht të vitit 2020.
Identifikimi i autorëve të dyshuar të vrasjes së mbetur në tentativë të Taulant Pepajt, ndodhur në Shkodër në muajin shkurt 2021.
Identifikimi i autorëve të dyshuar në lidhje me sigurimin e kushteve për vrasjen e Kleant Musabelliut, ndodhur në Tiranë gjatë vitit 2020.
Identifikimi i autorëve të dyshuar në lidhje me sigurimin e kushteve për vrasjen e Dorjan Dhulit, Ibrahim Licit dhe G. T. ndodhur gjatë vitit 2020.
15 urdhër-arrestet
Behar Bajri
Ervis Martinaj
Pëllumb Gjoka
Xhevahir Lita
Oltion Bistri
Ardit Hasanbenga
Eljon Hato
Astmer Bilali
Edmond Preka
Denis Brahoviç
K.H.
P.K.
A.B.
A.N.
B.M.
Të arrestuar;
Pëllumb Gjoka
Edmond Preka
Astmer Bilali
Ardit Hasanbenga
Oltion Bistri
Xhevahir Lita
S.T.
N.F.
Gjithashtu u miratua kërkesa për lejimin e kontrollit të 14 ambienteve të ndryshme. Gjatë ekzekutimit të vendimeve të gjykatës është ushtruar kontroll në 26 banesa dhe ambiente ku janë gjetur dhe sekuestruar në cilësinë e provës materiale shuma monetare, automjete të ndryshme, telefona, armë zjarri të ndryshme, maska, pajisje elektronike, pajisje elektronike monitorimi (servere dhe kamera) me të cilat monitoroheshin ambiente të jashtme në zona të ndryshme të qytetit të Shkodrës.
