Ish-kryetari i PD-së njëkohësisht dhe kandidat për drejtimin e kësaj force, Lulzim Basha ka “sfiduar” ish-kryeministrin Sali Berisha që të “votojë vettingun në politikë dhe të tregojmë kush është peng e kush jo”.
Basha:
Ka vetëm një rrugë që të tregojmë kush është i korruptuar e kush jo, kush është peng e kush jo, kush është i lidhur me krimin e kush jo, le të votojmë vetingun për politikanët dhe familjarët e tyre. Të nisë transparenca nga unë e më pas të gjithë këta që sot e 32 vite mbajnë peng Shqipërinë. Kjo është rruga e vetme për të çliruar pengjet, luftuar korrupsionin dhe pastruar politikën.
