Nga Sebastian Zonja
Kjo fotografi e oligarkut rus Jevgeni Prigozhin, njëherazi edhe ish-kreu i focave mercenare Vagner, filloi të qarkullojë në mediet dhe portalet ruse menjëherë pas takimit të tij me presidentin Vladimir Putin.
Shefi i Kremlinit Vladimir Putin tha se zgjodhi “komandantin e vërtetë” për Vagnerat Andrei Troshev. Moska dhe pushteti i liderit Putin u vu në dyshim gjatë marshimit të shkurtër të Vagnerit në Moskë. Perëndimi e ndoqi me shumë vëmendje atë që po ndodhte duke theksuar herë pas here se nuk ka gisht në gjithë këtë çështje të brendshme të Moskës, duke folur më tej për frikë nëse Moska fillon të ketë probleme të rënda sigurie së brendshmi, duke qenë vendi me më shumë armë bërthamore në botë.
Pak ditë më parë, presidenti amerikan Xho Baiden do të bënte shaka për Prigozhinin duke thënë se duhet të ruhet se çfarë pjate do të hajë tani.
