Nuk zgjati më shumë se 1 sezon aventura e Sokol Cikalleshit në kampionatin e milionave. Pas ndalesës në Arabinë Saudite me fanellën e skuadrës Al Khaleej, bomberi kuqezi rikthehet në klubin që zotëron të drejtat e kartonit. Konyaspor e pret dhe e vendos sërish në qëndër të projektit sulmuesin nga Kavaja, i cili do të ingranohet sërish në ekip për t’u bërë pjesë e projektit të ri.
Ky është lajmi qëjapin mediat tuke pasi periudha e huazimit për lojtarin e Kombëtares përfundoi. Në aventurën e shkurtër në Arabi, Cikalleshi ndihmoi skuadrën e tij të siguronte edhe një sezon mes më të mirëve në Ligën e parë duke kontribuar me 10 gola dhe 3 asiste. 32-vjecari është transferuar te Konyaspor në vitin 2020 ndërsa në Turqi ai aktivizohet që prej 2015-ës ku është ndalur në disa skuadra si Baseksehir, Akhisarspor, Goztepe, Ankaraspor dhe së fundmi te Konyaspor ku ka një kontratë deri në vitin 2025.
Rikthimi i tij në Turqi është një lajm i mirë edhe për trajnerin Sylvinho pasi bëhet fjalë për një kampionat më konkurrues cka do t’i lejojë që të ruajë një formë të mirë.
