Nga Zef Ndreka
Ngjarjet politike që kanë ndodhur dy vitet e fundit në politikën shqiptare, kanë krijuar një tabllo shumë komplekse dhe jo të lehtë për tu zgjidhur.
Kanë qënë dy vite me ngjarje shumë të ngjeshura e të pa ndodhura më parë, jo vetëm në Shqipëri, por mbase edhe në shumë vende të tjera të lindjes, ku ndodhën ndryshimet demokratike më rrëzimin e sistemit komunist.
Në ngjashmëri me partitë opozitare të vendeve ish komuniste, PD-ja u sulmua për tu asgjësuar. Por falë frymës demokrate, qëndrestarëve dhe ndoshta fatit të Shqipërisë, PD-ja arriti të mbijetojë edhe pse më 104 mijë vota.
Asgjësimin e PD-së e kërkonin shumë faktor në Shqipëri dhe jashtë saj. E kërkonte me çdo çmim Berisha, lideri historik i saj, i cili ka dalë zbuluar tashmë për misionin e tij në PD dhe në planin kombëtare. E kërkonte “spiuni” Metaj, i cili shtoi oreksin për ta marrë e përvetësuar PD-në në bashkëpunim të ngushtë me Berishën e shpallur përfundimisht kufomë politike nga perendimi, nga Britanikët dhe SHBA-të.
Në betejën e fundit elektorale për pushtetin lokal, Metaj doli fituesi i vetëm nga opozita me vota të trafikuara. Numri i shumëfishuar i këshilltarëve te PL-së, do jetë një humbje tjetër kohë për opozitën dhe politikën integruese të vëndit.
Asgjësimin e PD-së e kërkonte Rama, i cili kishte bërë pazare edhe për të lënë 22 bashki për të faktorizuar Berishën, të cilit i interesante humbja, vetëm të merrte një votë më shumë se PD-ja zyrtare.
Garën Berisha i foltores dhe “spiuni” Metaj e kishin dhe e kanë me PD-në.
Loja e pistë edhe brënda Trëkëndëshit të Bermudës për të luftuar njëri-tjetrin dhe të gjithë bashkë për të asgjësuar PD-në zyrtare, mbaroi.
Berisha u fik. Bashkë me të edhe Metaj. Tani radha i ka ardhur Ramës i cili nuk do të mund të përballojë skandalet e pa numërta, korrupsionin galopant ku është kapur gafil në vjedhje si qeveri, si organizatë e organizuar kriminale.
Në situatën aktuale, kur PD-ja gjendet e coptuar, pa kryetarë, me një kryesi me mendime të ndryshme për mënyrën e organizimit të partisë, me një grup deputetësh të shpërndarë pa një qëndrim të qartë, mbetet jetike për PD-në zgjedhja e rrugës më të drejtë e më të shpejtë për ardhmërinë e demokratëve.
Lulzim Basha i ka hedhur zarat e tij dhe është gara vendimtare për të dhe të ardhmën e tij.
Sigurisht që ai ka mbështetjen më të madhe në gjirin e demokratëve dhe ato do e mbështesin per arësyen e thjeshte se ka misionin të pa kryer, ka përjashtuar nga grupi parlamentar dhe PD-ja non grat-ën dhe duhet lejuar të organizoje Partinë Demokratike drejt një partie mbarë popullore elektorale për të marrë pushtetin e rrëmbyer me vjedhje nga socialistët dhe për ti shërbyer Shqipërisë dhe shqiptarëve.
Kjo është rruga e vetme e mbetur realisht për demokratët, por që duhet ta ndjekin të gjithë sëbashku pavarësisht mendimeve të ndryshme të shprehura për të cilën nuk duhet të ketë diferencime.
Po ashtu, duhet mbetur dera e hapur për demokratët e gënjyer e të zhgënjyer, të merzitur e të stërlodhur nga pelivanlliçet e politikës shpesh antishqiptare…
