Fillon numërimi mbrapsht. Ndaj Spezias është një nga mundësitë e fundit për Milanin që të mund të sigurojë një vend në Ligën e kampionëve për sezonin e ardhshëm. Udhëtimi në Spezia të shtunën, Euroderbi i kthimit me Interin të martën: dy ndeshje që do të vendosin një pjesë thelbësore të sezonit të Milanit. Problemi më i madh në Milanello është rikuperimi i Leaos. Gara e portugezit me kohën për ndeshjen e kthimit me Interin do të drejtojë zgjedhjet e Piolit për formacionin së martës, por më e lehtë është për trajnerin të zgjedhë një bluzë titullari për Origin që nga minuta e parë për ndeshjen e Serisë A, jashtë fushe në Liguria.
Duke mbetur në vijën e parë edhe De Ketelaere duhet ta nisë ndeshjen si titullar për të dhënë më në fund sinjalet pozitive, të cilat i presin të gjithë kuqezinjtë. Në të djathtë Pioli do të zgjedhë njërin mes Saelemaekers dhe Messias, ndërsa Diaz dhe Giroud do të pushojnë, duke i dhënë mundësinë Rebicit të luajë në sulm. Duke parë dëmtimin e Benaserit, i cili i ka dhënë fund sezonit, në mesfushë, mundësia për Pobegën në krah të Tonalit është e mundshme, ndërsa Kalulu mund të rikthehet sërish në mbrojtje.
Ndeshja me Spezian do ta ndihmojë trajnerin Pioli për të krijuar një imazh për lojtarët të cilët mund të aktivizojë në ndeshjen më të rëndësishme të vitit, atë kundër Interit.
