Presidenti turk Recep Tayip Erdogan ka njoftuar se paga minimale për punëtorët e punësuar në sektorin publik do të rritet me 45% në 15.000 lira turke, ose pak më pak se 700 euro.
Sipas mediave vendase, masa ka të bëjë me 700.000 punëtorë dhe është shpallur pesë ditë përpara zgjedhjeve presidenciale të planifikuara për të dielën e ardhshme në Turqi.
Deklarata e Erdogan u bë në ceremoninë e nënshkrimit të Marrëveshjes Kolektive Publike të Punës të vitit 2023.
Erdogan shtoi se Turqia do të vazhdojë të punojë për rritjen e pagave minimale për nëpunësit civilë dhe rritjen e pensioneve.
