Në Gjykatën e Posaçme, në procesin ndaj Ilir Metës dhe Monika Kryemadhit, avokatët nuk pranuan të marrin pjesë, pavarësisht se Apeli Administrativ vendosi të pezullojë vendimin e Dhomës së Avokatisë për bojkot.
Avokatët thanë se nuk kanë marrë dijeni, sipas rrugëve ligjore, për pezullimin e bojkotit.
Ndërkohë, teksa gjykata ishte tërhequr për vendim, Meta shkëmbeu batuta me një nga personat e pranishëm në publik.
“Çojini ndonjë gjë për të ngrënë Veliajt, se do e lënë edhe pa bukë këta, vetëm se kritikoi Vuçiçin”, u shpreh Meta.
