Prokurori Julian Xhengo do të jetë magjistrati që do të drejtojë hetimet për videot intime që rrodhën në media dhe në sajte për të rritur, të regjistruara në shtëpinë e kompozitorit Adi Hila, ku përfshihen emra të njohur të estradës.
Shorti është hedhur dhe përgjegjës për hetimet e kësaj çështje, për të cilën zyrtarisht ka tre kallëzime penale; një nga vetë Adi Hila për hakerim të të dhënave, dhe dy kallëzime të tjera nga Eli Fara dhe Monika Lubonja.
Ndërkohë, me iniciativë, mësohet se Prokuroria e Tiranës ka ngritur ndaj kompozitorit Adi Hila dhe një akuzë të re për “Veprime që pengojnë zbulimin e të vërtetës”.
Mësohet se kur hetuesit kanë kërkuar të këqyrin hard diskun e kamerave në shtëpinë e kompozitorit Adi Hila, ai është konstatuar me dëmtime. Kompozitori u ka thënë hetuesve se e kishte shkatërruar vetë.
I pyetur për arsyen se përse e kishte ndërmarrë këtë veprim, Adi Hila ka pohuar se kishte frikë se mos ai hakerohej sërish dhe në rrjet publikoheshin materiale të tjera. Këto pretendime janë marrë me rezerva dhe Prokuroria ka ngritur dhe një akuzë të re për kompozitorin.
Janë të shumta vajzat dhe gratë e estradës që shfaqen në këto video, të cilat janë publikuar më shumë se një vit më parë në sajte për të rritur, por do të jetë hetimi ai që do të zbulojë nëse ato janë shitur apo janë hakeruar
ADI HILA SHKATËRROI HARD DISKUN E KAMERËS QË REGJISTROI PAMJET INTIME
Sipas informacioneve, Prokuroria e Tiranës ka shtuar në hetim edhe një vepër tjetër penale, atë të veprimeve që pengojnë zbulimin e së vërtetës.
Kjo lidhet me një veprim të kryer gjatë hetimeve paraprake. Sipas informacionit, policia ka tentuar të këqyrë hard-diskun, por pasi e ka sekuestruar, ka konstatuar se prova ishte e dëmtuar.
Për këtë rrethanë, Hila ka deklaruar se e kishte shkatërruar vetë hard-diskun. Sipas tij, arsyeja ishte se nuk ishte i sigurt se nga vinte ndërhyrja dhe kishte frikë se mund të ndërhynin sërish dhe të merrnin të dhëna në distancë.
