Një aksident është shënuar pasditen e sotme në zonën e Don Boskos, në Tiranë.
Sipas të dhënave paraprake, një automjet është përplasur me një motor.
Për pasojë, drejtuesi i motorit ka mbetur i plagosur dhe është dërguar në spital për ndihmë mjekësore. Gjendja e tij raportohet e rëndë.
Në vendngjarje kanë mbërritur shërbimet e policisë, të cilat po punojnë për të zbardhur rrethanat dhe shkaqet e aksidentit.
