Mësuesi kubanez i vallëzimit Oemis Ramagoza Durruthi (Durruthy), i njohur me nofkën “Dios”, jeton në qytetin verior rus të Petrozavodsk-ut prej të paktën shtatë vitesh dhe mban shtetësi ruse.
Konsiderohet koordinator i një sërë operacioneve sabotimi në Evropë në emër të shërbimeve të inteligjencës ruse.
Ai rekruton njerëz nga Amerika Latine nëpërmjet mediave shoqërore virtuale për operacione të fshehta në Evropë.
Ai rekrutoi të paktën një duzinë personash, kryesisht spanjishtfolës, në vitin 2024 si të ashtuquajtur agjentë të disponueshëm për operacione sabotimi në Poloni, Lituani, Rumani dhe Republikën Çeke.
Ata ishin ish-ushtarë, punëtorë migrantë dhe njerëz që kërkonin të fitonin para në Evropë.
Ai u ngarkoi rekrutëve detyra sabotazhi të lidhura me zjarrvënie ndaj dy bizneseve të furnizimit me materiale ndërtimi në Poloni, një stacioni autobusësh në Republikën Çeke, një objekti riciklimi në Rumani dhe pajisjeve të destinuara për Ukrainën në një kompani në Lituani.
Në disa raste, ai u ofroi atyre deri në disa mijëra dollarë ($) për detyra spiunazhi ose sabotimi.
Nëntë nga ata që janë rekrutuar prej tij tashmë janë në paraburgime në Bashkimin Evropian; dy janë dënuar penalisht.
Me kërkesë të prokurorëve lituanezë, ai është shpallur në kërkim policor ndërkombëtar.
Prokurorët i lidhin operacionet me shërbimin e inteligjencës ushtarake të Rusisë, GRU (Glávnoye Razvédyvatelnoye Upravléniye) Agjencia e Inteligjencës Ushtarake Ruse.
