Nga Jola Hysaj
Një urim për veten time 🎂✨
Sot nuk i uroj vetes thjesht edhe një vit më shumë, por jetë ,një jetë që ndihet, përjetohet, më mëson dhe më afron çdo ditë me atë që dua të jem.
Uroj që vitet të mos ma zbehin kurrë buzëqeshjen time të thjeshtë, atë që lind nga gjërat e vogla: një përqafim, një fjalë e mirë, një mëngjes i qetë dhe momentet që bëhen kujtimet më të mëdha.
Uroj të mos e humbas kurrë veten. Të ruaj vajzën brenda meje që guxon të ëndërrojë, të besojë dhe të nisë nga e para sa herë jeta e kërkon të jetë e fortë.
Uroj të jetoj me ndjenja të vërteta me zemër që ndien, sy që emocionohen dhe shpirt që ende beson. Të mos bëhem kurrë indiferente ndaj jetës, edhe kur ajo dhemb.
Uroj të mos e humbas shpirtin e iniciativës: të nis, të provoj, të gaboj, të ngrihem dhe të ec përpara. Sepse jeta nuk shihet nga larg por ajo jetohet.
Uroj të kem zë kur duhet të flas, edhe kur fjala më dridhet, dhe kurrë të mos hesht vetëm për t’u pëlqyer.
Uroj të kem forcë ta përqafoj jetën siç vjen, me fitore e humbje, dashuri e zhgënjime, lot e momente që më bëjnë të ndihem e gjallë.
Mbi të gjitha, uroj të mos harroj kurrë veten time.
Të mos jem kurrë e fundit në listë. Të mos kërkoj falje për atë që jam. Të zgjedh veten, të mbroj paqen time dhe të largohem nga çdo gjë që më zvogëlon. Sepse të zgjedhësh veten nuk është egoizëm është dashuri, dinjitet dhe liri.
Dhe po, dua gjithmonë përpara një palë këpucë me taka… 👠
Jo vetëm për të kujtuar sa larg mund të shkoj, por se asnjë ëndërr nuk është e pamundur për një grua që nuk heq dorë nga vetja.
Sot nuk i premtoj vetes një jetë perfekte, por një jetë të vërtetë : me zemër, guxim, gabime, dashuri, ëndrra dhe shumë buzëqeshje.
Gëzuar ditëlindjen! 🥂❤️
Uroj që ky vit të më gjejë më të qetë, më të fortë, më të lirë dhe më pranë vetes.
Dhe nëse ndonjëherë harroj kush jam, uroj të kem gjithmonë forcën të kthehem tek vetja.
Sepse rrugët ndryshojnë, njerëzit ikin, vitet kalojnë… por unë dua të jem gjithmonë shtëpia ime
