Detaje të reja po dalin në dritë rreth shpërthimit tç bombës në Sevastopol dhe vrasjes së 49-vjeçarit Robert Sayev, një ish-oficer i Marinës ukrainase i cili dezertoi në Rusi pas aneksimit të Krimesë në vitin 2014.
Në qendër të çështjes është 32-vjeçarja Margarita Reut, një shtetase ruse e cila, sipas raportimeve, u shfaq në faqet e internetit të eskortës me pagesë. Autoritetet ruse e akuzojnë atë për kryerjen e sulmit me urdhër të shërbimeve të inteligjencës ukrainase .
32-vjeçarja u la në paraburgim për dy muaj nga një gjykatë në Sevastopol, ndërsa Shërbimi Federal i Sigurisë i Rusisë ( FSB) vazhdon hetimet e tij për rastin dhe lidhjet e tij të mundshme .
Reut përballet me akuza për terrorizëm.Sipas raporteve ruse, nëse ngrihen ndjekje penale shtesë dhe ajo dënohet për më shumë vepra penale, dënimi i saj i përgjithshëm mund të arrijë deri në 30 vjet.
Ndërkohë, raportet e mediave ruse thonë se 32-vjeçarja nuk shprehu keqardhje gjatë marrjes në pyetje nga FSB-ja për vdekjen e Sayev.
Ndërkohë, media ruse Mash pretendon se Reut planifikoi të largohej nga Rusia pas sulmit. Thuhet se ajo madje ka blerë një biletë nga Soçi për të ikur jashtë vendit.
Autoritetet ruse po hetojnë se kur dhe si 32-vjeçarja dyshohet se është rekrutuar nga shërbimet e inteligjencës ukrainase, si dhe nëse ajo ka pasur bashkëpunëtorë në përgatitjen dhe ekzekutimin e sulmit.
