GJKKO ka pranuar pjesërisht kërkesën e SPAK për konfiskimin e pasurive të një organizate kriminale të dyshuar për trafik ndërkombëtar të lëndëve narkotike.
Sipas vendimit të gjykatës, pasuritë u përkasin shtetasve Eridan Munoz Guerreo, Deljana Nebiu, Sokol Çamer, Julian Veliu, Lenkos Nebiu dhe personave të tjerë të përfshirë në procedim.
GJKKO ka vendosur kalimin në favor të shtetit të një sërë pasurish të luajtshme dhe të paluajtshme, përfshirë apartamente, njësi shërbimi, banesa, troje, automjete, një rimorkio, si dhe disa llogari bankare.
