Një sinjalizim ka ardhur në redaksinë tonë për faktin që punonjësit e huaj në vend rezultojnë të regjistruar me kombësi shqiptare në sistemet elektronike. Kur të dhënat e Lejes së Qëndrimit hidhet në E – Tatime për lejen e punës automatikisht mbushen hapësirat me të dhëna ku ju rezulton kombësia shqiptare. Kemi një rast konkret të një zonje nga Filipinet që rezulton me Kombësi shqiptare në sistem.
Mund të jetë një problem sistemi (bug) ose një gjë shumë e rëndë:
Si ndodh proçesi ?
Për të punësuar një shtetas të huaj në Shqipëri, punëdhënësi duhet fillimisht të aplikojë për Lejen Unike (që bashkon lejen e punës dhe lejen e qëndrimit) në e-Albania. Pasi punonjësi të pajiset me lejen dhe të hyjë në vend, punëdhënësi ka detyrimin ta regjistrojë atë në sistemin tatimor përmes formularit elektronik E-SIG 027 brenda 48 orëve Drejtoria e Përgjithshme e Tatimeve.
Përpara fillimit të punës, punëdhënësi duhet të bëjë:
- Aplikimin në e-Albania: Zgjidhni shërbimin “Aplikim nga punëdhënësi për leje unike për të huajt”.
- Dokumentacioni i nevojshëm: Duhet të ngarkoni kontratën e punës, dokumentet e kualifikimit të punonjësit, siguracionin shëndetësor dhe fotokopjen e pasaportës.
Pasi punonjësi të jetë pajisur me Lejen Unike dhe të jetë regjistruar në sistemet shqiptare (duke marrë një NIPT/NUIS personal nëse është nevoja), punëdhënësi duhet ta deklarojë atë:
- Përdorni shërbimin për Ndryshimet e Punonjësve dhe dorëzoni formularin elektronik E-SIG 027 Drejtoria e Përgjithshme e Tatimeve.
- Afati: Ky deklarim duhet të bëhet jo më vonë se 48 orë nga data e regjistrimit të aktivitetit në organet tatimore, ose jo më vonë se 24 orë nga marrja reale në punë për punonjësit në vijim.
