Ndryshe nga shumë ish-kolegë të tij, Edmond Spaho ka dalë me një reagim ndryshe sa i përket protestave të mbajtura ditët e fundit në kryeqytet kundër investimeve që pritet të realizohen në zonën e Zvërnecit.
Në një postim në “Facebook”, Spaho ka publikuar foton e një të riu protestues, i cili mban në duar një pankartë me mbishkrimin: “S’ka lind ai bir k*** e as bir çifuti që të na marrë trojet tona!”.
Duke iu referuar kësaj fotografie, ish-deputeti i Partisë Demokratike shpreh bindjen se protestues të tillë po përdoren nga interesa të huaja dhe po manipulohen për qëllime që sipas tij nuk lidhen me interesin publik.
Një qëndrim që përkon edhe me deklaratat e kryeministrit Edi Rama i cili prej ditësh ka pretenduar se protestat po nxiten nga faktorë të jashtëm dhe se qarqe të caktuara në Greqi nuk e shohin me sy të mirë zhvillimin e projekteve të mëdha turistike në Shqipëri.
Në reagimim e tij, Spaho ndalet edhe te investitorët e projektit në Zvërnec, duke theksuar se mes tyre janë biznesmenë nga Katari si dhe vajza e presidentit amerikan, Donald Trump. Ai kritikon ashpër organizatorët e protestave, të cilët i cilëson si të njëjtët individë që sipas tij në vitin 2019 mbështetën djegien e mandateve të opozitës.
“Ne krye te protestes jane po ata sharlatane te cilet ne vitin 2019 ulerinin studio me studio televizive qe te digjeshin mandatet e deputeteve te opozites.Sipas mendjes se te marreve, mandatet u dogjen dhe nga 2019 e deri me sot vendi eshte pa opozite. Kjo po ngjet ne Tirane”, shkruan Spaho
