Presidenti i SHBA-së, Donald Trump dhe kryeministri izraelit, Benjamin Netanyahu, thuhet se kanë pasur një telefonatë të nxehtë lidhur me përshkallëzimin e operacioneve ushtarake izraelite në Liban.
Sipas një raporti nga Axios, Trump shprehu zemërimin e tij për veprimet e qeverisë izraelite, të cilat ai i konsideron një kërcënim për negociatat midis Uashingtonit dhe Teheranit, ndërsa Netanyahu tha se Izraeli do të vazhdojë të veprojë kundër Hezbollahut.
Artikulli i Axios rreth komunikimit telefonik
Sipas Axios, i cili citon dy zyrtarë amerikanë dhe një burim tjetër me njohuri për bisedën, Donald Trump reagoi ashpër ndaj Benjamin Netanyahut për përshkallëzimin e operacioneve izraelite në Liban.
Publikimi raporton se presidenti amerikan e përshkroi kryeministrin izraelit si “të çmendur” dhe e akuzoi atë për mosmirënjohje, ndërsa dyshohet se ndërhyri për të parandaluar një plan izraelit për të sulmuar Bejrutin.
Një zyrtar amerikan, i cituar nga Axios, pretendoi se Trump e paralajmëroi Netanyahun se një sulm ndaj kryeqytetit libanez do të çonte në një izolim edhe më të madh ndërkombëtar të Izraelit.
“Je i… çmendur. Do të ishe në burg nëse nuk do të isha unë. Po të shpëtoj lëkurën. Të gjithë të urrejnë tani. Të gjithë e urrejnë Izraelin për shkak të kësaj” mesohet se Trump i tha “Bibit”
