Deputeti i Partisë Socialiste, Erion Braçe ka pranuar për herë të parë kandidaturën për Bashkinë e Tiranës.
E teksa këto ditë nëpër rrjet janë duke vluar bisedat e së shtunës pasdite ku vetë socialisti kishte shprehur ambicien për “shtëpinë” e kryeqytetasve, ka qenë vetë Braçe ai i cili përmes një video me zë dhe figurë ka pranuar interesin që ka shfaqur për Bashkinë e Tiranës.
“E kam seriozisht dhe do t’i shkoj deri në fund”, është shprehur Braçe, duke falenderuar më tej të gjithë ata qytetarë të cilët përgjatë këtyre ditëve i kanë shprehur mbështetjen e tyre në këtë rrugëtim të ri që një prej socialistëvë më të vjetër të kampit rozë do të ndërmarrë.
