Donald Trump u ka thënë vendeve që dëshirojnë të shërbejnë në Bordin e tij të Paqes se do të duhet të paguajnë 1 miliard dollarë për të qenë anëtarë të përhershëm.
Bloomberg ka siguruar draftin e kartës. Sipas burimeve, ajo duket se sugjeron se vetë Trump do të kontrollonte fondet.
Karta konsiderohet e papranueshme për shumicën e vendeve që potencialisht mund t’i ishin bashkuar bordit, thonë burimet.
Netanyahu i ka refuzuar kushtet.
Disa shtete kundërshtojnë fuqishëm draftin e kartës së Trump dhe po punojnë së bashku për të reaguar kolektivisht kundër këtyre propozimeve, sipas burimeve.
Ato janë të shqetësuara se Trump po përpiqet të ndërtojë një rival të Kombeve të Bashkuara, që shkon përtej Gazës, dhe që do të ishte plotësisht nën kontrollin e tij.
Kjo do të thotë se, pavarësisht promovimit që Trump i bën Bordit të Paqes, në realitet ai nuk gëzon mbështetjen e aktorëve kyç rajonalë apo globalë.
