Struktura e Posaçme Kundër Korrupsionit dhe Krimit të Organizuar (SPAK) ka vijuar edhe gjatë ditës së sotme hetimet në kuadër të çështjes që lidhet me zv. kryeministren Belinda Balluku.
Burime bëjnë me dije se hetuesit kanë ushtruar kontrolle dhe kanë kryer sekuestrime dokumentesh në disa subjekte private, të cilat dyshohet se janë të përfshira në procedurat e tenderimit për lotet e projektit të Unazës së Madhe të Tiranës.
Deri më tani, SPAK nuk ka dhënë një njoftim zyrtar mbi rezultatet e kontrolleve apo nëse ka persona të shoqëruar apo masa konkrete sigurie.
Por redaksia mëson se janë ushtruar kontrolle në zyrën e Arbër Abazit.
