Samsung përballet me reagime të ashpra për AppCloud, një aplikacion i zhvilluar në Izrael i parainstaluar në pajisjet e serisë Galaxy A dhe M me çmim të ulët. Kryesisht këto celular shiten në Lindjen e Mesme, por jo vetëm.
Hetimet zbulojnë se aplikacioni është i integruar në sistemin operativ, duke parandaluar heqjen e plotë. Edhe kur çaktivizohet, AppCloud mbetet në pajisje, rishfaqet pas përditësimeve dhe mund të instalojë fshehurazi softuer shtesë.
Aplikacioni u zhvillua në Izrael nga ironSource, e cila tani është pjesë e Unity, një kompani amerikane që “krijon dhe rrit lojëra dhe përvoja interaktive në të gjitha platformat kryesore, nga celulari, PC dhe konsola, deri te realiteti i zgjeruar”.
