Komanda e Forcës Ajrore të Shqipërisë i është përgjigjur menjëherë thirrjes për ndihmë për shpëtuar një shtetas nga Kosova, i cili ishte pickuar nga gjarpri helmues i llojit nepërkë, në zonën malore të Currajve të Epërm.
Ngjarja ka ndodhur dje, rreth orës 14:30, në një terren të vështirë në shtegun midis Currajt të Poshtëm dhe Currajt të Epërm, rreth 1 kilometër larg nga Rrasa e Çurrajve.
Pas marrjes së njoftimit nga Ekipi i Kërkim–Shpëtimit të Kosovës, ekipi i Forcës Ajrore iu bashkua autoriteteve vendore dhe e transportuan të lënduarin në spitalin e Bajram Currit dhe ndodhet në gjendje të stabilizuar.
Siç shihet dhe nga pamjet, efekitvët e Ushtrisë Shqiptare e kanë organizuar operacionin në një terren të vështirë të zonës së Tropojës, ku helikopteri nuk mund të ulej dhe ngjitja është bërë totalisht në ajër
