Viktima është identifikuar si Guri Dashi, me origjinë nga Rrajca e Librazhdit.Prej vitesh, ai ka punuar në disa prej kompanive më të mëdha të ndërtimit në vend.
Ikja e tij e parakohshme ka lënë pas një dhimbje të thellë për familjen, miqtë dhe kolegët, ndërsa më së shumti që vuajnë dhimbjen e madhe janë dy fëmijët e tij të mitur.
Prej disa vitesh, Guri Dashi jetonte në Pogradec, ku kishte ndërtuar jetën e tij familjare.
Në këtë aksident tragjik, shoqëria e tij humbi një profesionist të përkushtuar dhe një familjar shembullor.
Grupi hetimor ka shkuar menjëherë në vendngjarje dhe po punon për sqarimin e rrethanave dhe shkaqeve të këtij aksidenti tragjik në punë, i cili fatkeqësisht ka rezultuar fatal për inxhinierin Guri Dashi.
Sipas njoftimit zyrtar të Policisë, Specialistët për Hetimin e Krimeve në Komisariatin e Policisë Peqin kanë arrestuarështetasin Enver Hoxha, 64 vjeç, me detyrë drejtues teknik në kantierin ku ndodhi ngjarja.
Arrestimi i Enver Hoxhës u krye për veprën penale “Shkelja e rregullave të mbrojtjes në punë”, pasi nga veprimet hetimore dyshohet se mungesa e zbatimit të rregullave të sigurisë ka sjellë pasojën tragjike.
