“Vetëm dy minuta nga qendra e Tiranës”, kjo është reklama që shpërndan kompania “Am&Zo” në rrjete sociale, për projektin e quajtur “Mara Palace”.
Kompleksi rezidencial pritet të jetë një ndërtesë me 16 kate mbi tokë dhe tre kate parkim nën tokë.
Gjendet në zonën e “Shkollës së Kuqe”, realisht shumë pranë qendrës së kryeqytetit.
Në 26 Shtator 2025, Këshilli Kombëtar i Trashëgimisë Kulturore, nën drejtimin e ministrit Blendi Gonxhja, miratoi Raportin e Vlerësimit të Potencialit Arkeologjik për projektin “Mara Palace, zhvillimi i një objekti me funksion rezidencial dhe shërbime”, në njësinë Administrative nr. 8, Tiranë, me subjekt zhvilluar “Am&Zo”, shpk.
Kompania zhvilluese është krijuar në vitin 2023. Ajo është në pronësi të Rei Xhakolli dhe Orges Çunge, të dy familjarë të ngushtë të kryetari të Bashkisë së Pogradecit, Ilir Xhakolli.
