Paranojaku Vladimir Putin thuhet se i ka detyruar shërbëtorët e tij të instalojnë tre zyra identike në të gjithë Rusinë, në mënyrë që të fshihet i pazbuluar.
Despoti ka krijuar një treshe pallatesh bunker me siguri të lartë, ndërsa ai po frikësohet gjithnjë e më shumë se mos vritet, sipas një dezertori të rangut të lartë të Kremlinit, Gleb Karakulov.
35-vjeçari ka shërbyer si oficer në shërbimin elitar të sigurisë personale të Putinit, përpara se të largohej nga Moska në tetor me gruan dhe vajzën e tij.
Karakulov tani e sheh ish-shefin e tij si kriminel lufte për pushtimin e Ukrainës, një luftë që ka vrarë civilë të panumërt.
Në një përpjekje për ta ekspozuar despotin për atë që është në të vërtetë, Karakulov tani ka zbuluar sekrete intime rreth udhëheqësit rus.
Duke folur për Associated Press dhe njësinë hetimore anti-Kremlin, Qendrën Dossier, Karakulov tha se Putini ka një sistem të ndërlikuar sigurie, pasi ai vazhdimisht ka frikë se mund të vritet nga armiqtë e tij.Një nga këto masa sigurie është krijimi i dhomave identike të takimeve në të gjithë Rusinë.
Ka zyra sekrete në rezidencën e Putinit në Shën Petersburg, në Soçi në Detin e Zi dhe në Novo-Ogaryovo në periferi të Moskës.
Të treja janë kopje të sakta të njëra-tjetrës dhe kanë minimumin e domosdoshëm brenda, sipas Karakulov.
Imazhet brenda zyrave të Vladit tregojnë se ai ka një mbajtëse lapsash presidenciale me një shqiponjë me dy koka të gdhendur në një tavolinë të madhe prej druri.
Brenda ndodhen 10 lapsa të mprehur në mënyrë të përsosur pranë një ekrani kompjuteri dhe tastiere.
Në të majtë të Putinit ndodhen tre telefona të bardhë të stilit të vjetër dhe një mikrofon, që e përdor në bisedat e brendshme por edhe ndërkombëtare.
Gjithashtu i pranishëm është gjithmonë një flamur rus i vendosur pas karriges presidenciale.
Të tre dhomat janë pa dritare, duke çuar në një sekret serioz se ku ndodhet diktatori në çdo kohë të caktuar.
Karakulov pretendoi se ekipi i Putinit i projektoi dhomat posaçërisht në mënyrë që askush të mos e dijë se në cilin nga tre vendet ndodhet ai.
Raportet zyrtare ndonjëherë pohonin se presidenti ishte në një vend kur në të vërtetë ishte diku tjetër, pohoi dezertori.
Zyrtarët e sigurisë qëllimisht sillnin një aeroplan ose dërgonin një autokolonë në një vend, kur Putini në fakt nuk kishte planifikuar kurrë të largohej, shtoi Karakulov.
Ai kujtoi se “kishte raste kur e dija që ai ishte në Soçi. Televizori dhe lajmet tregonin atë duke drejtuar një takim në Novo-Ogaryovo”.
“Pra, e pyeta një koleg në Soçi: ‘a është larguar ai tashmë?’ ‘Jo,’ tha ai, ‘është ende këtu.'”
“Mendoj se kjo është një përpjekje për të ngatërruar, së pari, inteligjencën [e huaj] dhe së dyti në mënyrë që të mos ketë përpjekje për vrasje”, shton ish-agjenti rus i sigurisë.
Kjo gjithashtu krijon konfuzion rreth asaj se në cilën nga 11 zonat kohore të Rusisë ndodhet diktatori.
Mashtrimi në zyrë besohet të jetë i fundit në një seri operacionesh të kryera nga Kremlini në përgjigje të frikës në rritje të Putinit se mos vritet.
Sipas njërit prej ish-rojeve të tij, Putini jeton me frikë të vazhdueshme se mos e vrasin dhe nuk u beson stafit të tij.Putini shkatërroi në mënyrë misterioze një nga pallatet e tij më të dashura, mes pretendimeve se është paranojak se mund të jetë shënjestruar nga një dron ukrainas.
Imazhet satelitore treguan se si pallati i kushtueshëm i Putinit, Bocharov Ruchey, me pamje nga Deti i Zi në Soçi , ishte shembur me buldozer, duke lënë pas vetëm një copë tokë të zbrazët vitin e kaluar.
Madje thuhet se ai mbante rregullisht jelekë antiplumb në paraqitjet publike, sipas raportimeve.Raporti pohoi se tirani i moshuar ka veshur jelekë mbrojtës në evente në natyrë “të paktën që nga viti 2023”.
“Ai e ka bërë këtë me rekomandimin e fortë të Shërbimit të Sigurisë Presidenciale (SBP), një njësi brenda Shërbimit Federal të Gardës (FSO) që mbron presidentin”, shkruan The Moscow Times , duke cituar një nga burimet e saj. /Përshtatur nga The Sun/
