Rezultatet politike të 11 majit 2025, por jo vetëm ato, do të jenë testi i ministrave për të mbajtur një vend në qeverinë Rama 4.
Shumica e ministrave të kabinetit Rama 3 kanë qenë drejtues qarqesh, por jo të gjithë kanë arritur rezultatet e pritura apo sipas parashikimeve në Partinë Socialiste.
Gazetari Arsen Rusta mëson se ndër ministritë që do të kenë një drejtues të ri janë:
Ministria e Brendshme
Ministria e Drejtësisë
Ministria e Jashtme
Ministria e Bujqësisë
Ministria e Pushtetit Lokal
Turizmi / Mjedisi
Po ashtu, nisur nga ecuria dhe shifrat e sezonit turistik, dikasteret që mbulojnë Turizmin, Bujqësinë dhe Diplomacinë pritet të rishikohen në nivel Ministri — disa prej tyre do të riformatohen në strukturë dhe në agjencitë vartëse.
Në qeverinë Rama 4, një fokus të veçantë pritet të ketë edhe diaspora. Vota e diasporës i dha fitoren socialistëve në disa qarqe dhe ishte vendimtare. Këtë mision, PS-ja ia besoi ministrit Taulant Balla.
Dikasteri i Pushtetit Lokal, drejtuar deri më tani nga Arbjan Mazniku, po ashtu do të rikonfigurohet, nisur edhe nga menaxhimet joefikase të bashkive në vend. Fokus do të jetë kontrolli i territorit / taksat / menaxhimi i mbetjeve dhe resurseve natyrore më rang vendi.
Ndërsa me 83 mandate në sesionin e ri parlamentar, Partia Socialiste duket se do të konfirmojë Elisa Spiropalin. Në qarqe të caktuara, raportohet se Elisa Spiropali duket se është shprehur se ka marrë bekimin e kryeministrit Edi Rama për të vijuar karrierën në krye të parlamentit se paku edhe per katër vitet e ardhshme.
Emrat e rinjë të qeverisë Rama 4 do të shpallen më 11 shtator, ndërsa pritet të ketë edhe surpriza me emra të rinjë në politkkē e po ashtu, emra zonjash në digastere të konsideruara portofole të forta.
