Auto motoparku i Elbasanit po hyn në një fazë të re të projektit ambicioz që pritet të përfundojë brenda vitit 2026, duke i dhënë Shqipërisë të parën pistë për garën e makinave ‘‘Formula 1‘‘.
Duke ndarë pamje nga punimet, Kryeministri Edi Rama shprehet se‚ ‘‘Auto motoparku në Elbasan do të jetë kompleksi sportiv ndërkombëtar, sipas standardeve më të larta garave të Formula 1‘‘.
Sipas tij, ky investim strategjik do të sjellë një transformim të rëndësishëm në shërbimet e auto motorizimit dhe në infrastrukturën sportive e turistike të Shqipërisë.
Qeveria shqiptare ka parashikuar që brenda kompleksit do të jenë të integruara edhe zyrat e Drejtorisë së Shërbimeve të Transportit Rrugor, duke ofruar shërbime për të gjitha bashkitë e qarkut të Elbasanit me standardet më të larta.
Në mbledhjen e fundit, Këshilli i Ministrave miratoi dokumentin e Politikave Prioritare 2026-2028. Pjesë e tij është edhe Lista Unike e Projekteve me Rëndësi Kombëtare. Në këtë listë, me numrin 21 qëndron projekti i Auto Moto Parkut të Elbasanit. Sipas dokumentit, kostoja totale për ndërtimin e Auto Moto Parkut është plot 188.5 milionë euro. Një kosto stratosferike për ndërtimin e një piste 4.4 kilometra të gjatë
