Kryeministri suedez, Ulf Kristersson, është kritikuar ashpër pasi pranoi se konsultonte rregullisht mjete të inteligjencës artificiale për t’u kërkuar një opinion për çështje të ndryshme që lidhem me drejtimin e vendit.
Lajmin e bënë të disa media suedeze dhe ndërkombëtare.
Kristersson, i cili drejton qeverinë e koalicionit të qendrës së djathtë, tha në një intervistë të kohëve të fundit se ka përdorur mjete si ChatGPT ose të ngjashme.
Kolegët e tjerë, shtoi ai, kanë përdorur gjithashtu inteligjencën artificiale në punën e tyre të përditshme.
Aftonbladet, një nga gazetat me tirazhin më të madh në vendin skandinav, e akuzoi Kristersson në një editorial se kishte “rënë në psikozën e oligarkëve për AI”.
Në editorial, gazeta ngre gjithashtu një çështje sigurie: “Kompanitë e inteligjencës artificiale mbledhin të dhëna të përdoruesve, dhe në skenarin më të keq, kryeministri mund të kishte bërë pyetje që tani janë të lidhura me të në një server amerikan”
