Pas ndarjes nga jeta të regjisorit të njohur Leka Bungo, vajza e tij, Alba Bungo, ka ndarë një mesazh të ndjerë në rrjetet sociale, ku përshkruan dhimbjen e humbjes dhe dashurinë e pakushtëzuar për të atin.
“Duhej të të thoja lamtumirë përgjithmonë, ti që ishe gjithçka për mua… Luftove me sëmundjen më të rëndë të shekullit, por nuk fitove,” shkruan ajo ndër të tjera, duke e quajtur të atin “mbret”, “engjëll” dhe “dashurinë më të madhe të jetës”.
Në rrëfimin emocional, Alba e përshkruan të atin si një njeri që jetoi me dinjitet dhe e respektoi jetën deri në fund. “U prehsh në paqe bashkë me engjëjt, engjëlli im,” përmbyll ajo.
