Nga Eduart Ndocaj
Kur kam marrë për herë të parë besimin tuaj si deputet, e kam ndjerë që kjo nuk ishte vetëm një nder, por një përgjegjësi e madhe për ta mbrojtur me çdo kusht interesin tuaj.
Dhe këtë përgjegjësi e kam mbajtur me nder dhe përkushtim çdo ditë të mandatit tim!
Gjatë kohës që përfaqësova Qarkun Lezhë në Kuvend, arrita të jem një zë i pandalur në mbrojtje të të drejtave tuaja:
• Fola hapur në Kuvend për problemet e tokave në Lezhë, duke denoncuar padrejtësitë që iu bënë fermerëve dhe banorëve të zonave rurale.
• Denoncova mungesën e investimeve në infrastrukturë në Kurbin dhe Mirditë, duke bërë thirrje të përsëritura që fondet të mos mbeteshin vetëm në letra.
• Mbrojta me forcë të drejtat e pronarëve të ligjshëm, duke dalë kundër abuzimeve dhe vonesave të qëllimshme në proceset e legalizimeve dhe kompensimeve.
• Qëndrova krah komuniteteve të fshatrave të largëta, që për vite ishin lënë në harresë, dhe solla në Kuvend kërkesat për përmirësim të shërbimeve shëndetësore dhe arsimore.
• Isha i vetmi që ngrita zërin kundër projekt-ligjeve të padrejta, që cenonin interesin e qytetarëve të thjeshtë të Qarkut tonë.
•Të drejtën e diasporës për të votuar – duke qenë ndër të paktët deputetë që kërkuan hapur të drejtën që shqiptarët jashtë vendit të votonin dhe të kishin zë në vendimmarrje.
Në mandatin tim si deputet:
• Asnjëherë nuk heshta përballë padrejtësive.
• Asnjëherë nuk iu nënshtrua interesave të ngushta politike.
• Asnjëherë nuk harrova nga vija, nga cila tokë dhe nga cilët njerëz vija.
Unë nuk jam politikan i shkëputur nga jeta e qytetarëve.
Unë jam njëri prej jush — i rritur me djersën e punës, i formuar me vlerat e ndershmërisë dhe i bindur se politikani duhet të jetë shërbëtor i popullit, jo zot i tij.
Tani, më 11 maj, kërkoj sërish besimin tuaj, për të vazhduar të jem zëri juaj i pandalur:
• Për Lezhën që kërkon drejtësi.
• Për Kurbinin që kërkon mundësi të reja.
• Për Mirditën që meriton investime të denja për historinë e saj.
Voto Eduart Ndocaj.
Voto për një përfaqësim që nuk blihet dhe nuk shitet.
Voto për një Qark Lezhë që më në fund të ketë zërin që meriton!
