Katër punonjës të policisë, Blerim Kurmekaj, Viktor Logu, Julian Sterkaj dhe Marte Martini janë arrestuar këtë mërkurë nga Agjencia e Mbikqyrjes Policore në Shkodër. Arrestimi i tyre lidhet me masakrën e Dobraçit, ku mbetën 4 viktima. Dyshohet se punonjësit kanë shpërdoruar detyrën, në lidhje me këtë rast.
Objektiv i atentatit dyshohet se ishin dy nga viktimat, Hamza Lici dhe Arlind Bushati si edhe një tjetër që mendohet se udhëtonte me ta në makinë, por që ende nuk është identifikuar nga autoritetet.
Dyshimet kryesore të hetuesve janë për praninë e Ibrahim Licit i shpallur në kërkim ndërkombëtar. Për këtë arsye dyshohet se janë arrestuar policët pasi nuk e arrestuan.
