Zbardhet dëshmia e babait që ka plagosur me thikë djalin e tij, ngjarje e ndodhur paraditen e sotme në fshatin Vreshtar të Maliqit, Korçë.
Burime nga policia thanë se, sherri mes babait dhe djalit ka ndodhur, pasi ky i fundit nuk donte të shkonte në shkollë dhe qëndronte në telefon.
Shpëtim Çuka: Me djalin u konfliktova se nuk donte të shkonte në shkollë, unë i thoja ik se vajti ora, ai rrinte në telefon.
Ishim duke u grindur sepse nuk po më dëgjonte, nuk donte të shkonte në shkollë.
I thashë disa herë dhe më pas kisha një biçak në dorë dhe e godita.
Kujtojmë se ngjarja ka ndodhur rreth orës 10:45 minuta në fshatin Vreshtas.
15 vjeçari është plagosur në brinjë dhe pasi ka marrë ndihmën mjekësore ndodhet jashtë rrezikut për jetën.
