Pas hetimeve për abuzimin me kompensimin financiar të një objekti të kompensuar më parë, Gjykata e Tiranës ka dënuar me dy vite burgim me kusht ish-Sekretarin e Ministrisë së Financave Arlind Gjokutaj.
Ish-zyrtari u hetua fillimisht me masën e sigurisë arrest në burg dhe më pas Apeli e liroi, ndërsa prokurori Ndini Tavani kërkoi që për veprën penale shpërdorim detyre, sipas nenit 248 të Kodit Penal, Gjokutaj të dënohet.