Shpërthimi masiv i paprecedentë i biperave të përdorur nga luftëtarët e Hezbollahut erdhi pasi grupi ushtarak kaloi nga telefonat celularë si një mjet komunikimi për të zvogëluar rrezikun e gjurmimit nga Izraeli, te teknologjia e vjetër.
Si mund të përdoren biperët si bomba?
Një ekspert sigurie, duke folur në kushte anonimiteti, i tha Sky News se dikush mund të kishte hapur këto pajisje përpara se të shpërndaheshin – si për shembull duke fshehur eksplozivë brenda tyre.
Biperët datojnë përpara telefonave celularë dhe tani janë të pazakonshëm në shumicën e vendeve perëndimore, por u përdorën gjerësisht në vitet 1980 dhe 1990. Ata janë një pajisje komunikimi njëkahëshe, që u mundëson njerëzve të dërgojnë një mesazh të shkurtër nëpërmjet sinjalit të radios.
“Duket e mundshme që biperët që ata [Hezbollahu] blenë mund të jenë komprometuar dhe janë kthyer në bomba në distancë,” tha eksperti i sigurisë, duke theksuar se ky ishte vetëm spekulim i bazuar në ekspertizën e tij.
“Duket një shpërthim shumë i koordinuar dhe i fuqishëm”, duke shtuar se kishte më pak gjasa të ishte shkaktuar nga mbinxehja e baterive.
Lëndimet ‘përputhen’ me eksplozivët e lartë
Eksperti i asgjësimit të bombave dhe ish-oficeri i ushtrisë britanike Chris Hunter tha: “Ne kemi parë këtë lloj metode me pajisje celulare më parë.”
Në vitin 1996, prodhuesi kryesor i bombave nga Hamas, Yahya Ayyash “u vra duke përdorur një telefon celular me një sasi të vogël eksplozivi në të”, tha ai.
Zoti Hunter thotë se teoria e tij fillestare, sugjeron se shpërthimet janë “në përputhje me 1 deri në 2 ons eksploziv të fortë. Dhe sigurisht që mund ta vendosni atë sasi në një biper.
“Ne kemi parë ETA [një grup separatist që vepron në Spanjë], ne kemi parë grupet kolumbiane, ne kemi parë që IRA përdor biper si pajisje shpërthyese,” tha ai.
Historia e gjatë e Izraelit me luftën e teknologjisë së lartë
Agjencitë e spiunazhit të Izraelit kanë një histori të gjatë të lidhjes me atentate dhe aktivitete të fshehta duke përdorur bomba dhe pajisje të teknologjisë së lartë. Këtu është një përmbledhje e disa prej tyre:
1972: Bassam Ebu Sharif
Ai u plagos në Bejrut kur hapi një paketë që përmbante një libër të implantuar me një bombë e cila shpërtheu. Ai ishte zëdhënës i Frontit Popullor për Çlirimin e Palestinës (PFLP). Ai mbijetoi, por humbi disa gishta, mbeti i shurdhër në një vesh dhe i verbër në njërin sy.
1972: Mahmud Hamshari
Një përfaqësues i Organizatës për Çlirimin e Palestinës (PLO) u vra në Paris në vitin 1972, kur një bombë u vendos nën një telefon dhe u shpërthye nga distanca.
1996: Yahya Ayyash
Ai fitoi pseudonimin “Inxhinieri” dhe me sa duket ndihmoi në zhvillimin e bombave vetëvrasëse të përdorura në konfliktin izraelito-palestinez.
2000: Samih Malabi
Një aktivist i Fatahut nga kampi i refugjatëve Kalandia jashtë Ramallah, u vra kur një telefon celular i bllokuar shpërtheu pranë kokës së tij.
2007: Stuxnet
Një virus i fuqishëm kompjuterik i projektuar nga inteligjenca amerikane dhe izraelite që besohet se ka çaktivizuar një pjesë kyçe të programit bërthamor iranian. Stuxnet ishte projektuar për të shkatërruar centrifugat që Irani përdori për pasurimin e uraniumit si pjesë e programit të tij të armëve.
2020: Mohsen Fakhrizadeh
Një shkencëtar iranian bërthamor u vra në Iran nga një mitraloz i telekomanduar i montuar në një makinë. Z. Fakhrizadeh po udhëtonte me një automjet antiplumb së bashku me tre automjete të personelit të sigurisë kur dëgjoi atë që dukeshin si plumba që goditën makinën e tij.
Pasi ai u largua nga automjeti, një Nissan i pajisur me një mitraloz të telekomanduar më pas hapi zjarr duke e vrarë atë. / “Sky News”
