Sekretari i përgjithshëm i PD Enkelejd Alibeaj ka komentuar rezolutën anti korrupsion të shpallur nga kryeministri Edi Rama duke thënë se qëllimi i vërtetë i saj është ndërhyrja në Reformën në Drejtësi.
Në emisionin “Zona Zero” të gazetarit Milaim Zeka, Alibeaj tha se pas 11 vitesh Rama u kujtua të luftojë korrupsionin, ndërsa ministra, kryebashkiakë e shumë drejtorë të tij po dalin të korruptuar.
Ai tha se nëse qeveria do të luftojë korrupsionin, duhet të heqë imunitetin e politikanëve.
“Si ka mundësi që kryeministri më i korruptuar, kujtohet pas 11 viteve që duhet të luftojë korrupsionin. Si duket ka një varg të madh me ministra, kryebashkiakë, drejtorë që po shkojnë drejt SPAK-ut dhe kam përshtypjen që edhe ky do shkojë drejt saj.
Publiku shqiptar është i ndarë në një raport 70% që e mbrojnë SPAK-un, ka tentuar që edhe ky të vjedhë pak nga lavdia e SPAK-ut.
Qëllimi real është që ky të ndërhyjë te Reforma në Drejtësi, pra te SPAK-u. Duam ta luftojmë korrupsionin? Heqim imunitetin. Politikanë që futen në politikë pa ashtu, dhe dalin të pasur…Ky është pozicionimi që kemi ne”, deklaroi Alibeaj.
