Forcat ruse kanë nisur një ofensivë të madhe përgjatë frontit në Kharkiv, qyteti i dytë më i madh i Ukrainës, njoftoi sot Ministria e Mbrojtjes në Kiev.
“Trupat tokësore ruse të mbështetura nga mjete të blinduara kishin filluar të avanconin në orën 5:00 të mëngjesit, në një përpjekje për të thyer linjat mbrojtëse”, tha ministria.
Objektivi i sulmit raportohet të ketë qenë në Vovchansk, një qytet që shtrihet në kufirin rus rreth 40 kilometra në verilindje të Kharkivit.
“Sulmi ishte shmangur deri më tani, por luftimet po vazhdonin”, njoftoi Ministria e Mbrojtjes.
Për javë të tëra ka pasur spekulime në Ukrainë për një ofensivë ruse gjatë verës, ndërsa është raportuar se dhjetëra mijëra trupa janë mbledhur në rajon.
Fakti që lajmi është publikuar nga Ministria e Mbrojtjes dhe jo nga Shtabi i Përgjithshëm, si zakonisht, po merret si shenjë e seriozitetit të situatës.
“Rezervat janë ngritur për të rritur mbrojtjen përgjatë këtij seksioni të frontit”, tha ministria.
Aeroplanët rusë sulmuan dje frontin afër Vovchansk me bomba dhe gjatë natës artileria ruse bombardoi pozicionet ukrainase.
