Nevrus Kaptelli, kreu i Sindikatës së Pavarur të Arsimit të Shqipërisë, SPASH, foli në MCN Live mbi arsimin profesional në Shqipëri, duke theksuar se ai duhet të kthehet në varësi të Ministrisë së Arsimit. Kaptelli po ashtu vuri në dukje se duhet të rritet buxheti për arsimin, duke shkuar së paku në 5 për qind të PBB-së. Ai kërkoi sakaq edhe luftimin e korrupsionit në arsimin profesional, duke folur për drejtorë të korruptuar, që shpesh janë mbrojtur nga ministria.
Unë kam qenë pjesë e diskutimeve që ka bërë kjo qeveri në vitin e parë të punës së saj në 2013-ën për ndryshimet që pretendoi për rritjen e numrit të nxënësve të arsimit profesional, dhe në atë takim dy ditor ndoshta kam qenë zëri i vetëm që kam kundërshtuar largimin e arsimit profesional nga ministria e arsimit dhe kalimin te ministria e Punës. Thuhej që po marrim praktikat dhe eksperiencën më të mirë të arsimit profesional të Austrisë dhe Gjermanisë, duke praktikuar sistemin dual. Të dy këto shtete arsimin profesional e kanë në varësi të Ministrisë së Arsimit. Nuk u mor parasysh. Arsimi profesional për herë të parë kaloi në varësi të ministrisë së Punës, dhe më pas ministria e Punës u shkri fare si rrallë herë në ndonjë vend. Nuk kam pasur asnjëherë besimin se do rritej numri në arsimin profesional nga mënyra si po veprohej. Kjo qeveri s’e ka pasur prioritet arsimin, as ai i përgjithshëm, as ai profesional. Të paktën duhet të mbanin atë premtim që patën thënë, Ne vazhdimisht kishim kërkuar që buxheti për arsimin duhet të arrijë në 5 për qind të PBB. Sot është më i ulët nga ç’ishte para 15 viteve. Nuk është marrë asnjë masë që shkollat profesionale të kenë financimin e duhur dhe bashkëkohor. Në Strugë është një shkollë profesionale me mbi 3 mijë nxënës dhe mbi 33 profesione. Këto shkolla në Shqipëri s’janë në nivelin e duhur dhe numri i nxënësve ka rënë.
Do dëshiroja të dëgjoja prej kryeministrit dje që qeveria që unë drejtoj e gjeti arsimit profesional me kaq nxënës dhe falë punës dhe shtimit të buxhetit kemi kaq nxënës më shumë. Kjo nuk u tha. Prandaj jam skeptik që kur nuk bëhet një analizë si është gjendja aktuale, nuk mund të presësh të përmirësohet diçka. Ajo që dëgjova nga ajo konferencë, duket sikur kryeministri po interesohet që të nxisë biznesin e madh që të ndihmojë në arsimin profesional. Edhe pse më parë ka pasur disa shkolla të ngritura nga vet biznesi, ato asnjëherë s’janë mbështetur financiarisht nga ana e qeverisë, dhe një pjesë e tyre tashmë nuk ekzistojnë më, janë mbyllur. Nëse qeveria do të ndryshojë gjendjen e arsimit profesional, e para është që duhet ta kthejë të ministria e Arsimit. E dyta të rrisë buxhetin për arsimin. E treta të luftojë korrupsionin në arsimin profesional. Edhe kabllot e internetit, i bëjnë riblerje çdo vit, kur afati i përdorimit të tyre është jo më pak se 10 vjet. Ministria ka dalë në mbrojtje të drejtorëve të korruptuar”.
Ai denoncoi raste në Malësinë e Madhe, që drejtorëve të shkollave u është kërkuar që t’i heqin disa nxënës jashtë vullnetit të tyre nga gjimnazi, për të ndjekur një shkollë profesionale.
I kanë drejtuar drejtuesit e shkollave dhe mësuesit, që ju znj.mësuese duhet të gjeni duhet të gjeni dy nxënës dhe t’i çojmë në shkollat profesionale në Shkodër. Nuk është kjo mënyra. Nxënësi duhet të zgjedhë vetë, të marrë atë drejtim dhe atë shkolla që ata dëshirojnë. Shumica e fëmijëve nuk kanë pranuar. Nuk rritet numri i nxënësve në arsimin profesional me këto metoda”
