Forcat Shqiponja kanë vënë në pranga një 26-vjeçar në Krujë, të cilit pas kontrolleve në mjet i janë gjetur 3,000 fara kanabisi, 4 maska si ato që përdoren për ngjarje kriminale, 1 kamera ambientale, sasi municioni luftarak dhe 3 celularë.
Sendet e gjetura u sekuestruan në cilësinë e provës materiale, ndërsa materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.
