Që prej janarit të këtij viti, në tregun e telefonisë celulare operojnë vetëm dy operatorë, duke nxitur shqetësim se konkurrenca po bëhet gati inekzistente. Për këtë arsye, Autoriteti i Konkurrencës paralajmëron nisjen e një hetimi të tregut, për të parë nëse dy kompanitë dakordësohen me njëra-tjetrën në përcaktimin e çmimeve.
Mes tregjeve problematike për konkurrencë renditet edhe ai i sigurimeve, të cilin Autoriteti i Konkurrencës e ka në vëmendje, por ende nuk flet për nisjen e një hetimi, edhe pas kërkesës së vazhdueshme edhe nga deputetët.
