I ftuar në Breaking në Top News, analisti Albi Xhunga ka komentuar zhvillimet e fundit në Partinë Demokratike. Sipas analizës së tij vendimi i Kryesisë së PD ndaj ish-sekretarit të Përgjithshëm ishte i vonuar.
“Në rastin e z. Bardhi nuk kemi të bëjmë me një mendim të ndryshëm politik, por për levizje politike dhe juridike të z. Bardhi për ta fshirë Partinë Demokratike nga skena politike shqiptare. Ka nisur këtë lëvizje me mbledhjen e pretenduar të Këshillit Kombëtar online, askush, as mediat, nuk kanë një listë të pjesëmarrësve, një situatë surrealiste.
Prandaj ky përjashtim tani është më së pakti i vonuar.” – Deklaroi Xhunga.
