Janë kthyer nga Roma në Shqipëri, pas plot 67 vitesh eshtrat e Qazim Mulletit, prefekti i Tiranës gjatë viteve 39-40’.
Figura e Mulletit u denigrua nga sistemi diktatorial duke krijuar një imazh grotesk për të, që i shërbeu propagandës së kohës.
Debatet e kanë shoqëruar figurën e Mulletit për rolin që ka patur në Shqipërinë zogiste, e më pas dhe atë fashiste, veçanërisht pas rivënies në skenë të Komedisë Prefekti.
Ceremonia do të mbahet më 28 gusht në Xhaminë Kokonozi te Pazari i Ri dhe rreth orës 13:00 do të kryhet rivarrosja në Tufinë.
