Ante Rebic, e ka mbyllur me Milanin. Sulmuesi kroat do të vazhdojë karrierën në Turqi, teksa është mbyllur marrëveshja me Besiktas. Fillimisht ishte përfolur për huazim, por palët kanë arritur akordin, për transferimin e Rebic në Stamboll në mënyrë të përhershme.
Besiktas e nis sezonin me objektiva të mëdha, siç është titulli kampion, por klubi kërkon edhe kualifikimin në grupet e Conference League, ndërsa fillimisht duhet të kalojnë Tiranën, skuadër të cilën e mundën në ndeshjen e parë.
Ndërkohë Milani thuhet se ka arritur akordin, për transferimin e mesfushorit amerikan, Yunus Musah. Është planifikuar një takim përfundimtar mes drejtuesve kuqezi dhe atyre të Valencias, për të zgjidhur edhe detajet e fundit, para se 21-vjeçari të niset drejt Italisë.
