Kryeministri Edi Rama do të mbledhë të mërkurën Asamblenë e Partisë Socialiste.
Burimet bëjnë me dije se mbledhja do të zhvillohet rreth orës 18:00.
Përfundimi i zgjedhjeve lokale të 14 majit, mbyllja e sezonit parlamentare, duket se do t’i hapë rrugë ndryshimeve në qeveri.
Jo pak herë Rama ka shfrytëzuar përfundimin e sezonit politik për të bërë një analizë të punës së partisë dhe të qeverisë. Prej kohësh, përflitet se Rama mund të bëjë ndryshime në 2-3 ministri.
Së fundmi, në vend të Bledi Çuçit tek Ministria e Brendshme ai emëroi Taulant Ballën. Gjithsesi mbetet për t’u parë se cili do jetë rendi i ditës.
