Ngatërrestari i skenës politike prodhon çdo ditë telenovela në përpjekje për të devijuar vëmendjen e opinionit publik me rrena kalamajsh.
Kishte marrë Fahri Balliun, Çim Pekën dhe të tjerë liderë të së vërtetës publike për tju shpjeguar se Non Gratan Britanike dhe amerikane ia kishte bërë Sorosi (George), dy ambasadorë të Mbretëreshës (Duncan dhe King Smith), dy ambasadorë të SHBA (LU, Kim) dhe agjentura të tjera.
Tablloja sinotike shpërfaqte tiparet e skeçeve të Enver Hoxhës me armiq të jashtëm dhe të brendshëm, ku patjetër duhet të ishte Lulzim Basha, pas Edi Ramës dhe Erion Veliajt.
Ky rrenacak në deluzion total prodhon realitete imagjinare për të mohuar diçka që se thotë: familjarët e tij kanë transaksione në real-estate me njerëz të skeduar në Mbretërinë e Bashkuar si pjesëtarë të grupit KRIMINAL, B9. E ka në dosjen që nuk e bën publike! E censuron copë copë.
Ai ka zënë një qoshe në selinë e zaptuar të PD për të fabrikuar skenarë, prova dhe fakte, me gënjeshtra dhe gjysmë të vërteta për të qenë në këmbë derisa ti vijë dita e përballjes me të vërtetën.
Ai ka helmuar mendjet e demokratëve se institucionet me 500 vite demokraci dhe ligj të SHBA dhe Britanisë së madhe komandohen nga 99 vjeçari Soros, i cili ka hall nga sabahu në aksham Saliun e Gjirit të Lalzit, komshi të Arben Ahmetajn!
Gjepura të trasha për mendje të dobëta që manipulohen nga një halexhi, i cili gjallë ka humbur trashigiminë politike në të djathtë dhe pritet të humbë edhe më shumë se kaq.
